Abhi na jaao chor kar
kay dil abhi bharaa nahi
abhi abhi tou aayay hou
bahaar ban kay chaayay hou
hawa zara mehak tou ley
nazar zara behak tou ley
yeh shaam dhal tou ley zara
yeh dil sambhal tou ley zara
mai thori dair jee tou loun
nashay kay ghoont pee tou loun
abhi tou kuch kaha nahi
abhi tou kuch suna nahi
abhi na jaao chor kar
kay dil abhi bharaa nahi
Sitaaray jhil milaa uthay
charaag jag magaa uthay
bas ab na mujh kou tokna
na barh kay raah rokna
agar mai ruk gayee abhi
tou jaa nah paaongi kabhi
yeh hee kahou gey tum sadaa
kay dil abhi nahi bharaa
jou khatum hou kisi jaga
yeh aisa silsilaa nahi
Abhi nah jaao chor kar
kay dil abhi bharaa nahi
adhoori aas chor kay
adhoori pyaas chor kay
jou roz youn hee jaao gey
tou kis tarah nibhaao gey
kay zindagi ki raah mai
jawaa'n dilou ki chaah mai
kayee makaam aaingey
jou hum kou aazmaaingey
buraa nah manou baat ka
yeh pyar hai gilaa nahi
yeh hee kahou gey tum sadaa
kay dil abhi bharaa nahi
haan, dil abhi bharaa nahi!!!
No comments:
Post a Comment