Aye tez hawa naraz na ho...

Aye tez hawa naraz na ho
Is dil mein salamat hay ab tak
Woh shokhi-e- lab,woh harf-e-wafa
Woh naqsh-e-qadam,woh aqs-e-hina
So baar jise chooma humne
So baar parastish ki jis ki
Is dil mein salamat hai ab tak
Woh gard-e-alam,woh deeda-e-nam
Hum jis mein chhupa kar rakhte the
Tasweer bikharti yaadon ki
Zanjeer pighalte waadon ki
Poonji naakam iradon ki
Aye tez hawa naraz na ho
Is dil mein salamat hai ab tak
Samaan bichharti saa'at ka
Kuch tukre garm dopehron k
Kuch rezay naram sawalon k
Kuch dur'anmol khayalon k
Aiik sacha roop haqeeqat ka.
Aik Jhoota roop mahabbat ka!!