Sehra Jo Pukarain Bhi To Sun Kar Nhi Aate, Mohsin Poetry, Urdu Sad Poetry, Urdu Sms Poetry,

Sehra Jo Pukarain Bhi To Sun Kar Nhi Aate
Ab Ahl-e-Junon Shehar Se Bahir Nhi Aate,

Wo Kaal Para Hai K Tijarat Gah-e-Dil Mein
Dastaarein To Maysar Hain Magr Sar Nhi Aate,

Wo Log Hi Qadmon Se Zameen Cheen Rahey Hain
Jo Log Mere Qad K Brabar Nhi Aate,

Ik Tum K Tumharay Liye Main Bhi Meri Jan Bhi
Ik Main K Mujhe Tum Bhi Maysar Nhi Aate,

Jis Shaan Se Lotay Hain Ganwa Kar Dil-o-Jan Hum
Is Tor Se To Harray Hue Lashkar Nhi Aate,

Koi To Khaber Le Mere Dushman-e-Jan Ki
Koch Din Se Mere Sehain Mein Pather Nhi Aate,

Dil Bhi Koi Aasaib Ki Nagri Hai K Mohsin
Jo Is Se Nikal Jate Hain Mur Kar Nhi Aate.