Tu Kisi Aur Ki Jageer Hai Aye Jaan-e-Ghazal
Log Toofan Utha Den Gey, Mere Sath Na Chal
Pehle Haq Tha Teri Chahat Ke Chaman Par Mera
Pehle Haq Tha Teri Khushboo-e-Badan Par Mera
Ab Kisi Aur Ke Hain Shano'n Pe Aanchal Tera
Log Toofan Utha Den Gey, Mere Sath Na Chal,
Meri Qismat Mein Nahi Pyar Ki Khushboo Shayad
Mere Hathon Ki Lakeeron Mein Tu Nahi Shayad
Apni Taqdeer Bana, Mera Muqaddar Na Badal
Log Toofan Utha Den Gey, Mere Sath Na Chal,
Mujh Se Kehti Hain Ye Khamosh Nighahein Teri
Meri Parvaaz Se Uunchi Hain Panahein Teri
Ab Kahan Mera Thikana Hai Kahan Tera Mahal
Log Toofan Utha Den Gey, Mere Sath Na Chal.
No comments:
Post a Comment