Image Poetry, Urdu Image Poetry, Image Ghazal, Ghazal Sms, Sad Poetry,

Ye jo zindagi ki kitab hay ye kitab bhi kya kitab hay
kahin ik haseen saa khawab hay kahin jan laiwa azab hay,

kahin ansoo-on ki hay dastaan kahin muskurahaton ka bayan
kai chehray iss may chupay huay ik ajeeb see ye naqab hay,

kahin kho diya kahin paliya kahin roliya kahin gaa liya
kahin chheen laity hay her khushi kahin meharban bay hisab hay,

kahin chhaoon hay kahin dhoop hay kahin aur hi koi roop hay
kahin berkaton ki hain baarishain kahin tishnigy bay hisab hay.