Wo koi aur na tha chandd Khushk patte the
shajar se toot ke jo fasl-e-gul pe roye the,
abhi abhi tumhein socha to kuch na yaad aaya
abhi abhi to hum ek doosarey se bichhare the,
tumhare baad chaman par jb ik nazar Daali
kali kali mein Khizaan k chiraag jalte the,
tamaam umer wafa k gunaah'gaar rahe
Ye aur baat ki hum aadami to ache the,
Wo ek baar Mare jin ko tha hayaat se pyaar
jo zindagi se gurezaa'n the roz Marte the.
No comments:
Post a Comment