Ab ke jazbaat pe ik barf jami ho jese

Ab ke jazbaat pe ik barf jami ho jese
Phir kisi zakhm ki is dil me kami ho jese,

Yun sarabon pe haqeeqat ka guman hota hy
Teri bahon me koi shaam dhali ho jese,

Cut saka na mujh se sadion me safar Lamhon ka
Ek nukte pe zameen ghoom rahi ho jese,

Daikh dewana pan mujhe kis simt liye jata hy
Goya jannat na ho dilbar ki gali ho jese,

Shor kaisa hy kamosh hawaon me "Aatish"
Teri Aawaaz mujhe dhoond rahi ho jese.