Saja k Apni Hi Ankhen Hazaar Chehron Pr,

Saja k Apni Hi Ankhen Hazaar Chehron Pr
Kiya Hy Mai ne Sada Aitbaar Chehron Pr,

Tujhy Bhi Darr Hy Kisi Ka To Door Se Parh Le
Likhi Hui Hy Dilon ki Pukaar Chehron Pr,

Lagi Hy Aag Ye Kesi Wafa k Jungal Men
Jala k Rakh Diye Kisne Chanaar Chehron Pr,

Wafa Ki Khoj Men Niklo To Paaon Jalty Hen
Abhi To Sirf Jama Hy Gubaar Chehron Pr,

Main Teri Bazm Men Kis Kis Se Dushmani Leta
Likha Tha Naam Tera BeShumar Chehron Pr.