Firaaq-e-yaar ki barish, malaal ka mosam
Hamary shehr me utra kamal ka mosam,
Wo ik dua meri jo namurad loti
Zuban sy rooth gya phir sawal ka mosam,
Boht dinon sy mery zehn k darichon me
Thehr gya hy us k khayal ka mosam,
Jo Be'yaqeen hon baharen ujar b sakti hyn
Tu aa k daikh ly mery zawal ka mosam,
Mohabten b uski dhoop chaon jesi hyn
Kabi ye hijr kabi ye wisal ka mosam,
Koi Mila He Nhi Jisko Sonpty Mohsin
Hum Apny Khawab ki Khushbu Khayal ka mosam.
No comments:
Post a Comment