Meri Aankhon Ko Soojhta Hi Nahi, Noshi Gelani Poetry, Urdu Ghazal, Urdu Ghazal Sms, Urdu Poetry, Heart Touching Poetry, Heart Touching Sms,

Meri Aankhon Ko Soojhta Hi Nahi
Ye Muqadar Mein Raasta Hi Nahi,

Wo Bharey Sheher Mein Kisi Se Bhi
Mere Baaray Mein Poochta  Hi  Nahi,

Phir Wohi Shaam Hai Wohi Ham Hain
Haan Magar Dil Mein Honsla  Hi  Nahi,

Ham Chale Uski Bazm Se Uth Kar
Aur  Wo Hai  Ke Rokta Hi Nahi,

Dil Jo Ik Dost Tha Magar Wo Bhi
Chup Ka Pathar Hai Bolta Hi Nahi,

Mein To Uski Talash Mein Gum Hun
Wo Kubhi Mujh Ko Dhundta Hi  Nahi.

Noshi gilani, Noshi Gelani Poetry, Koi mujhko mera bharpoor sarapa la de,

Koi mujhko mera bharpoor sarapa la de
Mere bazoo mmeri aankhen mera chehra la de,

Aesa darya jo kisi aur samandar mein girey
Is se behtar hai ke mujhko mera Sehra la de,

Kuch nahin chahiye tuhj se ae meri umre rawan
Mera bachpan mera jugnoo meri Gurya la de,

Nayya mosam meri beenai ko tasleem nahi
Meri aankhon ko wahi khwab purana la de,

Jiski aankhen mujhe andar se bhi parh sakti ho
koi chehra to mere sheher mein aesa la de,

Kashti e jan to bhanwar mein hai kai barson se
Ae khuda ab to dubo de ya kinara la de.

Tum Ne To Ye Keh Diya K Muhabbat Nahi Mili, Noshi Gelani, Noshi Gilani Urdu Peotry,

Tum Ne To Ye Keh Diya K Muhabbat Nahi Mili

MujhKo To Ye Kehne Ki Bhi Fursat Nahi Mili,

Neendo'n K Dess Jate ,Koi Khawab Dekhte

Lekin Diya Jalaaney Se Fursat Nahi Mili,

Tujh Ko To Khair Shehar K Logo'n Ka Dar Tha

Aur mujh Ko Apney Ghar Se Ijazat Nahi Mili,

Phir Ikhtelaaf-e-rai Ki Soorat Nikal Pari

Ur Apni Yahan Kissi Say Bhi Aadat Nahi Mili,

Be-Zaar Yu Huwe K Teray Ehad Mein Humein

Sub Kuch Mila Sakoon Ki Dolat Nahi Mili.