Beqarai si beqarari hai
Wasl hai aur firaaq taari hay,
Jo guzaari na ja saki hum se
Hum ne woh zindagi guzari hay,
Us se kehna kay dil ki galioN meiN
Raat din teri intezari hay,
Ik mehak samt-e-jaaN se aai thi
MaiN yeh samjha teri sawari hay,
Bin tumhare kabhi nahiN aai
Kya meri neend bhi tumhari hay,
Hijr ho ya wisal ho kuchh ho
Hum hay aur us ki yaadgari hay.
LinkWithin
No comments:
Post a Comment