Zakham muskurate hen ab bhi teri aahat par, Urdu Poetry, Urdu sms,

Zakham muskurate hen ab bhi teri aahat par
Dard bhool jate hen ab bhi teri aahat par,

Shabnami sitaron par phool khilne lagte hen
Chaand muskurate hen ab bhi teri aahat par,

Umar kat di lakin bachpana nhi jata
Hum diye jalate hen ab bhi teri aahat par,

Teri yad aye to neend jati rehti he
Hum khushi manate hen ab bhi teri aahat par,

Ab bhi teri aahat par chaand muskurata he
Khwab gungunate hen ab bhi teri aahat par,

Tere hijar min hum par ik azab taari he
Chonk chonk jate hen ab bhi teri aahat ar,

Ab bhi teri aahat par aas lout aati he
Ashk hum bahate hen ab bhi teri aahat par.