Chehra mera tha nigahen us ki, Parveen Shakir Poetry,

Chehra mera tha nigahen us ki
Khamushi main bhi wo baten us ki,

Mere chehre pe gazal likhti gain
Sher kahti hui ankhen us ki,

Shokh lamhon ka pata dene lagin
Tez hoti hui sansen us ki,

Aise mausam bhi guzare ham ne
Subhen jab apni thin shamain us ki,

Dhyan main us k ye alam tha kabhi
Ankh mahtab ki yaden us ki,

Faisala mauj-e-hawa ne likkha
Andhiyan meri baharen us ki,

Nind is soch se tuti aksar
Kis tarah katati hain raten us ki,

Dur rah kar bhi sada rahti hai
Mujh ko thame hue bahen us ki.

No comments:

Post a Comment

LinkWithin

Related Posts Plugin for WordPress, Blogger...