Mera Sawan Bhi Tum Ho Meri Pyaas Bhi Tum Ho...

Mera Sawan Bhi Tum Ho
Meri Pyaas Bhi Tum Ho,
Sehra Ki Bahon Main
Chupi Aas Bhi Tum Ho,

Tum Yun Tou Bohat Door
Bohat Door Ho Mujh Se,
Ehsas Ye Hota Hai
Mere Paas Bhi Tum Hoo,

Har Zakham Ki Aaghosh Main
Hai Dard Tumhara,
Har Dard Main Taskeen
Ka Ehsas Bhi Tum Hoo,

Kho Jao Tou Veeran Si
Ho Jati Hain Rahein,
Mil Jao Tou Phir Jeeny Ka
Ehsas Bhi Tum Hoo,

Likhti Hon Tou Tum Hi
Utarty Ho Qalam Se,
Parhti Hon Tou Lehja Bhi
Tum Awaz Bhi Tum Hoo.