Ham jheel kinaray ja baithein,
Tum apnay sukh ki baat karo
Ham apnay dukh ki baat karein,
Aur un lamhon ki baat karaen
Ju sang tumhary beet gaey,
Aur ehd e khizan ki nazar huway
Ham shehr e khuwab k basi,
Tum chand sitaron ki malka
Kabi waqt milay tu a jao,
Ham jheel kinaray ja beithein
In sabz ruton k daman mein,
Ham pyar ki khusboo mehka'en
In bikhray sabz nazaron ko,
Ham ankhon mein tasveer karein
Pathar pei girtay pani ko,
Ham khuwabon sai tabeer karein
Iss waqt k dobtay soraj ko,
Ham chahat ki jageer karein
Pher apnay pyar k jado sai,
Ham lamhon ko zanjeer karein
Kabi waqt miley tu a jao.
No comments:
Post a Comment