Bewafa Poetry, Poetry About Bewafa, Sad Poetry, Sad Picture Poetry, Sad Urdu Poetry,


O be-wafaa aa sun zara meri rooh pe guzreen jo qayamatein
Mera dil dukha to bohat magar merey lab pe ab bhi gilaa nahi,

Teraa bas naa tha to kiuN mujhey naey mosmoN ki naveed di
Tu mujhey peshgi meiN jo de gaya wo phool ab tak khilla nahi,

Thi jin mosmoN meiN teri wapsi meiN ab bhi hooN unka muntazir
Par wo fasl-e-gul kahaaN reh gai mujhey ab to kuch bhi pataa nahi,

Tera raaz jo mujh pe na khul sakaa mujhey doosroN sey pata chala
Terey ehd-o-pemaaN sey bharey huwey kisi bhi lafz meiN wafa nahi,

Terey dostoN meiN tera bharm rahey yehi soch kar meiN chup raha
Jo nigaah meiN tha wo chupa liya jo dil meiN tha wo kahaa nahi.
Related Posts Plugin for WordPress, Blogger...

Counter