Kisi Ko Tum Ne Chaha Tha


Suno Jana!
Kisi Ko Tum Ne Chaha Tha
Wo Tumhein Mill Nahi Paayi
Kisi Ko Main Ne Chaha Tha
Wo Mujhy Mill Nahi Paya
Adhooray Tum Bhi Ho Ab Tak
Adhoori Main Bhi Hoon Ab Tak
Adhooray Pan Ki Tanhai
Tumhein Bhi Dasti Rehti hy
Adhooray Pan Ki Tanhai
Mujhay Bhi Dasti Rehti hy
Adhooray Pan Se Main Bhi Ab
Nikalna Chahti Hoon Bus
Adhooray Pan Se Tum Bhi Ab
Nikalna Chahtay Ho Na?
Tumharay Aur Meray Sab Masail Aik Jesay Hein
Sabhi Ghum Aik Jesay Hein
Sabhi Dukh Aik Jesay Hein
Suno Jana!
Chalo Ik Kaam Kertay Hein
Mujhay Tum Waisay Hi Chaho
K Jesy Usko Chaha Tha
Tumhein Main Wesy Hi Chahoon
K Jesay Usko Chaha Tha.
Chalo Aao K Mil Jull Ker
Naya Ik Ghar Basatay Hein
Muhabbat K Diye Ko Phir
Muhabbat Se Jalatay Hein

No comments:

Post a Comment

LinkWithin

Related Posts Plugin for WordPress, Blogger...