Koi raat poonam to koi hai amavas
Chandani uski jo chand pana seekh le,
Yun to sabhi aaye hain rote huye jahan me
Par sara jahan hai uska jo muskurana seekh le,
Kuchh bhi najar na aaye andheron me rah kar
Roshni hai uski jo shama jalana seekh le,
Har gali me mandir, har raah me maszid hai
Par khuda hai uska jo sar jhukana seekh le,
Har seene me dil, har dil me pyar hai
Pyar milta hai usko jo dil lagana seekh le,
Logo ka kafila usi ke saath hota hai
Jo sachche dil se rishte nibahana seekh le,
Khushi ki talash me zindagi guzar jati hai
Par khushiyan unhi ko milti hain jo doosre ke gam mitana seekh le.
No comments:
Post a Comment