Tumko hum dil mein basa lenge,


Tumko hum dil mein basa lenge tum aao to sahi
Saari duniya se chhupa lenge tum aao to sahi,

Ek waada karo ab humse na bhichhadoge kabhi
Naaz hum saare uTha lenge tum aao to sahi,

Yun to jis simt nazar uThati hai taarikhi hai
Pyaar ke deep jalaa lenge tum aao to sahi,

IKhtalaafaat bhi miT jaayenge rafta rafta
Jis tarah hoga nibha lenge tum aao to sahi,

Dil ki viraani se ghabra ke na muh ko modo
Bazm ye phir se saja lenge tum aao to sahi,

Raah taarikh hai aur door hai manzil lekin
Dard ki shamaye jalaa lenge tum aao to sahi.

No comments:

Post a Comment

LinkWithin

Related Posts Plugin for WordPress, Blogger...