Apane man ko mana liya maine

Apane man ko mana liya maine
Zindagi se nibha liya maine,

Ek khusboo is teri yaad aayee
Ek pal muskara liya maine,

Pyas tadpi to pee liya aansoo
Bhukh me gam ko kha liya maine,

Dard ka geet ek tadapta as
Pyar me gunguna liya maine,

Mujhpe ilzam hai zamane ka
Kyon tera dil chura liya maine,

Jab kabhi need mujhse rooth gayee
Chand ko ghar bula loiya maine,

Kis tarah khusnaseeb Hun mai bhi
Tumko khwabon me paa liya maine.

Tu nahin to zindagi mein aur kya reh jaayega

Tu nahin to zindagi mein aur kya reh jaayega
Door tak tanhaaeeyon ka silsila reh jaayega,

Dard ki saari tahe aur saare guzre haadse
Sab dhooan ho jaayenge ik faakeya reh jaayega,

Yun bhee hoga wo mujhe dil se bhula dega magar
Ye bhee hoga khud usee mein ik khala reh jaayega,

Daayre inkaar ke iqraar kee sargoshiyaan
Ye agar toote kabhee to faaslaa reh jaayega.

Bohat hi yaad aata hai mere Dil ko tarpaata hai

Bohat hi yaad aata hai mere Dil ko tarpaata hai
Woh tera paas na hona bohat mujh ko rulaata hai,

Woh mera teri aankhon ke samandar main uttar jaana
Aur teri muskurahat ke bhanwar main doobte jaana,

Teri awaaz ke saher se na nikal paana
Tujh ko dekhna aur be-khudi se dekhte jaana,

Bohat chaha in guzre hue lamhon ko na sochoon
Na teri yaad main reh ke tere saath ka sochoon,

Bhoola doon saari yaadon ko ke jin se Dil tarapta hai
Ke jin se tais utth ti hai ke jin se dard hota hai,

Magar jab raat aati hai to teri yaad aati hai
Tere hi khuwaab hote hain teri hi baat hoti hai,

To tay paaya ab mumkin nahi tujh ko bhoola dena
Teri yaad main rehna tujhe hi sochte rehna,

Tujhe jab yaad karte hain to Dil apna tarapta hai
Woh tera paas na hona bohat mehsoos hota hai.

Aaj bhi wo meri rah dekhti to hogi

Aaj bhi wo meri rah dekhti to hogi
Dharkno se mera pata puchhti to hogi,

Yun begana na thaa mera khyaal us se
Fursat mein wo mujhe soachti to hogi,

Jis roz se jalaye honge mere khat usne
Sard si aag mein khud bhi jalti to hogi,

Jaado ke mausam mein ab bhi kabhi
Meri saanso ko mehsoos karti to hogi,

Achanak wo mujhe saamne dekh kar
Ungliyon se aankhon ko malti to hogi,

Aaj bhi meri raakh ke dher mein yaaro
Koii chingari umeed ki sulagti to hogi,

Zamane ki rounko mein bhool jaati hogi
Tanhai mein mujhe gungunati to hogi,

Kar liya hoga usne azaad khudko
Magar meri yaad rah uska rokti to hogi.

Zindagi Main Hai Dhoka is ke Siwa Kuch Nahi

Zindagi Main Hai Dhoka is ke Siwa Kuch Nahi
Tamashai Hai Yeh Dunya is ke Siwa Kuch Nahi,

Meri Zindagi Se Pochiye Zindagi Kia Hai
Zindagi Hai Aik Khuwab is ke Siwa Kuch Nahi,

Khushiyan Hain Lakhon is Dunya Main Magar
Udasi Hai Mere Dil Main is ke Siwa Kuch Nahi,

Mujh Se Jo Log Bhi Mile Hain Khush Hokar
In ke Dilon Main Hai Nafrat ke Siwa Kuch Nahi,

Wade Toh Karte Hain Log Magar Jante Nahi Wafa Karna
Bewafai Hay is Dunya Main is ke Siwa Kuch Nahi,

Pal Main Jisse Chaha Usse Pal Main Bhula Diya
Yeh Khel Hay Dunya Ka is ke Siwa Kuch Nahi,

Tum Ko Chaha Hay Magar Kuch Bhi Nahi Socha ke
Dunya Tou Hai ik Sarab is ke Siwa Kuch Nahi.

Mujhe bekhudi ki hai arzo

Mujhe bekhudi ki hai arzo
Mujhe qurbaton ka khumar de,

To jo rug rug mein bus gaya
Tu hai dorion ka jawaz kia,

Meri zindagi mery pas aa
Meri bekhudi ko qarar dy,

Hai nazar nazar teri justajo
Tu meri wafa ki hy aabro,

Kabhi youn bhi ho mery rubaru
Mujy jan sy hi guzar dy,

Mujy iss tarah sy tu yaad aa
Teri yaad ko bhi guman na ho,

Tu mery khiyal mae youn sama
Mera herf herf nikhar dy.

Ek kasak jo lafzo ki aghosh me sisak rhi thi

Ek kasak jo lafzo ki aghosh me sisak rhi thi
Ek dua jo dor arsh pe bhatak rhi thi,

Wo dua jo tote dil se nikl rhi thi
Wo dua jo do labo pe machal rhi thi,

Kash k ek shaam wo lot aye
Ya kash wo shm hi lot aye,

Is dil ne bht tot k usy chaha tha
Hmne Rab se bs usy hi manga tha,

Pr mri dua to kahin arsh pe hi kho gai
Or phr taqdir b andhera orrh k so gai,

Or phr zabt ka daman hmse chot gaya
EK TOOTA HOWA DIL OR BHI TOOT GAYA.

Mohabbat ki qasam woh aisa nahin tha,

Mohabbat ki qasam woh aisa nahin tha
Woh apna tha magar lagta nahin tha,

Najane kyun na aaya mujh se milne
Zamane se to woh darta nahin tha,

Tabassum ki thi buri aadat us ko
Woh mujh ko dekh kar to hansta nahin tha,

Mere dil main hai faraz us ki ulfat
Woh mera tha, mere jaisa nahin tha.

Tere Baghair, Urud Poetry, Urdu Sad Poetry, Urdu Picture Poetry, Heart Touching Poetrry,

Rotay hain tanha deikh kard mujhay wo rastay 

Jin par tere baghair hum guzray kabhi na thay.

Wo jo tumharey hijer ke manzar ki dhoop thi, Urdu Poetry,

Wo jo tumharey hijer ke manzar ki dhoop thi
Uss dhoop mein hamarey muqaddar ki dhoop thi,

Mein zaat ke ufaq mein dooba tou youn laga
Suraj mein aur mujh mein barabar ki dhoop thi,

Jiss se jhulas gaye thay merey khwab, merey rang
Baahir ki dhoop na thi, merey ghar ki dhoop thi,

Jab se tumhari zulf ki chaaown nahi rahi
Tab se merey naseeb mein dar dar ki dhoop thi,

Bas youn huwa ke chorr diya tu ne mera shehr
Phir mein tha aur shehr mein mehshar ki dhoop thi.

Manam che staso da syalo akhtar wo

Manam che staso da syalo akhtar wo
Zama da chago aswelo akhtar wo,

Dagalta taso khoshalay wokri
Dalta zama da jaredo akhtar who,

Na me sok khowata ranezdi shwa paki
Sa ajeba shan da prado akhtar wo,

Nan me grewan pa okhko lond zaka sho
Da musafaro be asro akhtar wo,

Dalta ke cha omabarake ranakra
Zama pa kor da spelano akhtar wo.

Pa Taqsemono Da Qismat Puri Khanda Rashe

Pa Taqsemono Da Qismat Puri Khanda Rashe
Bazi Khabari Dasi Wawram Che Jara Rashe,

Da Kali Khana! Ta Da Khety Gham Na Sa Khabar Ye
Zamung Bachy Che Doday Weeni Pake Saa Rashe,

Hagha Yateem Che Da Makham Da Azanono Wakht She
Kosa Ki Keni Wai Ka Charta Me Baba Rashe.