Hijar Mein Khoon Rulaate Ho, Kahaan Hote Ho?

Hijar Mein Khoon Rulaate Ho, Kahaan Hote Ho?
Laut Kar Kyun Nahi Aate Ho, Kahaan Hote Ho?,

Mujh Se Bichhde Ho To Mehboob-e-Nazar Ho Kis Ke?
Aaj Kal Kis Ko Manaate Ho, Kahaan Hote Ho?,

Yaad Aati Hain Akaile Mein Tumhaari Baatain
Ab Yeh Sab Kis Ko Sunaate Ho, Kahaan Hote Ho?,

Tum To Bichhde The Khushion Ki Rafaaqat Ke Liye
Ab Kiun Ashq Bahaate Ho, Kahaan Hote Ho?,

Shehar Ke Log Bhi Karte Hain Ab Eik Yehi Sawal
Tum Bohut Kam Nazar Aate Ho, Kahaan Hote Ho?.

Main to lafz lafz teri zaat hun

Main to lafz lafz teri zaat hun
Mujhe harf harf tu mita to na,

Mana tera sath hame chahiye
Magar is qadar tu sata to na,

Main bikher gayi mujhe smait tu
Meri dhool yun uraa to na,

Teri saans ban k rahun gi main
K wo waada yun bhula to na,

Tujhe chaahna hai dosh kya?
Jo nahi to itna rula to na.

Pathar bana diya mujhe rone nahi diya

Pathar bana diya mujhe rone nahi diya
Damaan bhi tere gham ne bighone nahin diya,

Tanhaiyan tumhara pata poochhti rahe
Shab bhar tumhari yaad ne sone nahin diya,

Ankhon me aakar beth gayi annsoon ki lehar
Palkon pe koi khwaab ko rone nahin diya,

Dil ko tumhare naam ke ansoo aziz the
Duniya ka dard dil me samone nahin diya,

Kuch yoon uski yaad chali haath thaam ke
Mele me is jahan ko khone nahin diya.

Aaj Kuch Waqt K Liye Paas Meray Kash Tum Aa Jao

Aaj Kuch Waqt K Liye Paas Meray Kash Tum Aa Jao
Bahut Tanha Hon Main Aaj Kash Tum AaJao,

Kabhi Khud Ko Itna kamzor Na Honay Dia Maine
Par AaJ Bikhar Gya Hon Main Kash Tum Aa Jao,

Kaafi Din Se Ji Raha Hon Bin Teray
Aaj Nai Guzar Raha Ek Pal Kash Tum Aa Jao,

Waqat Ki Raftar B Jaisay Tham Si Gai Hai
Tham Na Jain Meri Saans Kash Tum Aa Jao.

Ab Ke Youn Bhi Teri Zulfon Ki Shikan Tooti He

Ab Ke Youn Bhi Teri Zulfon Ki Shikan Tooti He
Rang Phooty, Kaheen Khushbu Ki Rasan Tooti He,

Maut Aai He k Taskeen Ki Sa'at Aai
Saans Tooti He k Sadiyon Ki Thakan Tooti He,

Seena-e-Gul Jahan Nikhat Bhi Giran Thehri Thi
Teer Ban Kar Wahan Sooraj Ki Kiran Tooti He,

Dil Shikasta To Kai Baar Huye Thay Lekin
Ab k Youn He k Har Ek Shakh-e-Badan Tooti He,

Itni Be-Rabt Mohabbat Bhi Kahan Thi Apni
Darmiyan Se Kahin Zanjeer-e-Sukhan Tooti He,

Aik Sho'la k Tah-e-Khaima-e-Jaan Lapka Tha
Aik Bijli k Sar-e-Sehan-e-Chaman Tooti He,

Silsilah Tujhse Bicharnay Pe Kahan Khatm Huwa
Ek Zamanay Se Rah-o-Rasm-e-Kuhan Tooti He,

Mery Yaaron k Tabassum Ki Kiran Maqtal Hain
Nauk-e-Naizah Ki Tarah Zair-e-Kafan Tooti He,

Raizah Raizah Me Bikharta Gaya Har Su Mohsin
Sheeshah Sheeshah Meri Sangeeni-e-Fan Tooti He.

Zakhmon Se Gosha-e-Dil-e-Veeran Saja Liya, Mohsin Naqvi, Mohsin Poetry,

Zakhmon Se Gosha-e-Dil-e-Veeran Saja Liya
Hum Nay Khizan Men Jashn-e-Baharan Mana Liya,

Suraj Se Chaal Chal k Bayaban Ki Dhoop Ne
Ek Bay Kafan Darakht Ka Saya Chura Liya,

Barbadiyon Ki Raat! Meri Bebasi To Dekh
Girtay Huay Makan Nay Mera Aasra Liya,

Yaaron Ka Zikr Kiya k Wafa Ki Talash Men
Hum Nay To Dushmano Ko Bhi Dil Men Basa Liya,

Aahat Suni Hawa Ki To Mohsin Nay Khauf Se
Jalta Huwa Diya Tah-e-Daama Chupa Liya.

Dar-e-Qafs Se Paray Jab Saba Guzarti He

Dar-e-Qafs Se Paray Jab Saba Guzarti He
Kisay Khabar k Aseeron Pe Kya Guzarti He,

Talluqat Kabhi Es Qadar Na Tootay Thay
k Teri Yaad Bhe Dil Se Kafa Guzarti He,

Woh Ab Milay Bhe To Milta He Es Tarah Jaisy
Bujhay Chiragh Ko Chu Kar Hawa Guzarti He,

Faqeer Kab k Gaye Janglon Ki Samt Magar
Gali Se Aaj Bhe Un Ki Sada Guzarti He,

Yeh Ahl-e-Hijar Ki Basti He' Ahtiyat Se Chal!
Musibaton Ki Yahan Intiha Guzarti He,

Na Pooch Apni Ana Ki Baghawatain Mohsin
Dar-e-Qubul Se Bach Kar Dua Guzarti He.

Khud Apney Dil Me Kharashain Utarna Hongi

Khud Apney Dil Me Kharashain Utarna Hongi
Abhi To Jaag k Raatain Guzarna Hongi,

Terey Liye Mujhey Hans Hans k Bolna Hoga
Merey Liye Tujhey Zulfain Sanwarna Hongi,

Teri Sada Se Tujhi Ko Tarashna Hoga
Hawa Ki Chaap Se Shaklain Ubharna Hongi,

Abhi To Teri Tabiat Ko Jeetney k Liye
Dil-o-Nigah Ki Shartain Bhe Harna Hongi,

Terey Wisaal Ki Khawahish k Taiz Rangon Se
Terey Firaq Ki Suhbatain Nikharna Hongi,

Yeh Shaeri Yeh Kitabain Yeh Aayatain Dil Ki
Nishaniyan Yeh Sabhi Tujh Pe Warna Hongi.

Mohsin Nqavi, Mohsin Naqvi Urdu Poetry, Mohsin Naqvi Ghazal, Woh Din Kahan k Ab Koi Mehfil Sajaiye,

Woh Din Kahan k Ab Koi Mehfil Sajaiye
Ek Dil He So Isi Se Mohabbat Nibhaeye,

Mansoob Kis Se Kijye Ashkon k Aainey
Ab Kis Ki Raah Me Ye Khazanay Lutaeye?,

Manzar Jo Aankh Men He Ganwa Dijye Usay
Pathar Jo Dil Pe He Usy Kesy Hataeye,

Ab Kon He Jo De Humain Jeenay Ka Hosla
Etnay Dukhon Me Kis k Liye Muskareye,

Kab Tak Kisi Ki Yaad Se Rakhiye Muamlah
Aandhi Me Ek Chiragh Kahan Tak Jalaeye,

Mohsin Jo Pal Men Torr De Sadiyon Ki Dosti
Us Bewafa Ki Salgirah Kya Manaeye.

Merey Siwa Sar-e-Maqtal Maqam Kis Ka He

Merey Siwa Sar-e-Maqtal Maqam Kis Ka He
Kaho k Ab Lab-e-Qatil Pe Naam Kis Ka He,

Yeh Takht-o-Taaj-o-Quba Sab Unhain Mubarik Hon
Magar Ba Nok-e-Sina Ahtaram Kis Ka He,

Tumhari Baat Nahi' Tum To Charah Gar Thay Magar
Yeh Jashn-e-Fatah Pas Qatl-e-Aam Kis Ka He,

Hamari Lash Pe Dhoondo Nah Ungliyon k Nishan
Humain Khabar He Azizo! Yeh Kaam Kis Ka He,

Fana k Hanptay Jhonkay Hawa Say Poochtay Hain
Jabeen-e-Waqt Pe Naqsh-e-Dawam Kis Ka He,

Tumhari Baat To Harf-e-Ghalat Thi Mit Bhe Gayi
Utar Gaya Jo Dilon Me' Kalam Kis Ka He,

Woh Mutmaen Thay Bohat Qatl Kar k Mohsin Ko
Magar Yeh Zikr-e-Wafa Subh-o-Shaam Kis Ka He.

Kab tak raho gaye aakhir yoon door door hum se

Kab tak raho gaye aakhir yoon door door hum se
Milna prray ga aakhir ik din zaroor hum se,

Daman bachanay walay ye berukhi hai kesi
Keh do agar huwa hai koi qusoor hum se?,

Hum chhor dain gaye tum se yoon baat cheet karna
Tum poochtay phiro ge apna qusoor hum se,

Hum cheen lain ge tum se ye shaan-e-benyazi
Tum maangtay phiro ge apna garur hum se.

Aaj tor diye hein tu ney meray sapney

Aaj tor diye hein tu ney meray sapney
Aaj tor diye hein wadey apney,

Ab meray pas bhi kia reh gay hai
Laut jao gey ab tum bhi ghar apney,

Mujh ko ata kia bhi to itna kam
Chand aanso aur chand dukh apney,

Mein ji’eon bhi to kis key saharey abid
Ab hain bhi yahan kon apney.