Wo samnay ayee tu Nazron ko Jhuka longa
Dekhoon ga nahi phir b Tasweer bana longa
Aana ho to aa jao Ruswayee nahi hogi
Dekhega nahi koi Palkon mai chupa longa
Jo Hum per guzarni hai ek bar guzar jaye
Her Gham ki tarha Tujh ko Seene se laga longa
Weeran agar Dil ho Aankhon mai Andhera ho
Yaadon ke Diye apni Palkon mai saja longa
Manzoor agar hogi Ruswayi Teri Mujh ko
Mai beth ke Sahil se Toofaan utha longa
Naraz agar wo hain Mere Nasheman se
Mai apne Nasheman ke Tinkon ko hata longa
Kyun Mujh se Khafa ho ker wo Door gaye
Baanhon mai wo aa jayaen mai un ko Mana longa
No comments:
Post a Comment