Ghaltiyon Se Juda...

Ghaltiyon Se Juda
Woh Bhi Nahi Main Bhi Nahi,
Dono Insan hain
Khuda Woh Bhi Nahi Main Bhi Nahi,

woh Mujhe Aur Main
Usay Ilzam Detay Hain Magar,
Apnay Andar Jhankta
Woh Bhi Nahi Main BHi Nahi,

Maslehaat Ne Kardiya
Dono Mein paida Ikhtilaaf,
Warna Fitrat Ka Bura
Woh Bhi Nahi Main Bhi Nahi,

Mukhtalif Simton Mein
Dono Ka Safar Jari Raha,
Aik Lamhay Ko Ruka
Woh Bhi Nahi Main Bhi Nahi,

Chahtay Dono Buhat
Aik Dusray Ko Hain Magar,
Yeh Haqeeqat Manta
Woh Bhi Nahi Main BHi Nahi.