Neend ki goad mein jahaan chup hai,
Door waadi mein doodhiyaa baadal
Jhuk k parbat ko pyar karte hain,
Dil mein naakaam hasaraten le kar
Hum teraa intezaar karte hain
In bahaaron ke saaye mein aa jaa
Phir mohabbat javaan rahe na rahe,
Zindagi tere naa-muraadon par
Kal talak meharbaan rahe na rahe
Roz ki tarah aaj bhi taare
Subah ki gard mein na kho jaayen,
Aa tere gham mein jaagti aankhen
Kam se kam ek raat so jaayen
Chaand madham hai aasmaan chup hai
Neend ki goad mein jahaan chup hai.
No comments:
Post a Comment