Har Zarra-e-Umeed Se Khushbuu Nikal Aaye

Har Zarra-e-Umeed Se Khushbuu Nikal Aaye
Tanhaayi Ke Sehra Mein Agar TU Nikal Aaye,

Kaisa Lagay Is Baar Agar Mausam-e-Gul Mein
Titli Ka Badan Oorh Kar Jugnuu Nikal Aaye,

Phir Din Teri Yaadon Ki Mundairon Pe Guzra
Phir Shaam Howi Aankh Se Aansoo Nikal Aaye,

Be-Chain Kye Rehta Hai Dharka Yehi Ji Ko
Tujh Mein Na Zamanay Ki Koi Khu Nikal Aaye,

Phir Dil Ne Kya Tark-e-Talluq Ka Iraada
Phir Tujh Se Mulaqaat Ke Pehluu Nikal Aaye.

No comments:

Post a Comment

LinkWithin

Related Posts Plugin for WordPress, Blogger...