Kaise Rahe Door Sarkaar Aap Se

Kaise Rahe Door Sarkaar Aap Se
Humein Ho Gaya Hai Pyaar Aap Se,

Ho Jaayen Hum Kaise Kisi Gair Ke
Jeene Marne Ka Hai Ikraar Aap Se,

Bade Shonk Se Keh Diya Bhula Do
Sikhe Koi Dil Par Karna Vaar Aap Se,

Is Tarah Na Ruswaa Kariye Hum Ko
Kare Ye Chahat Iltija Dildaar Aap Se,

Bin Humare Kya Tanha Jee Paaoge
Puchhe Mohabbat Ka Hisaar Aap Se,

Din-Raat Jaloon Aarzu-E-Ishq Mein
Hoga Mera Khatam Intezaar Aap Se,

Jaise Chahen Le Lo Mera Imtehaan
Na Karenge Koi Shikwaa Yaar Aap Se.

Kabhi Dil Ko Kabhi Shamma Ko Jala Kar Roye

Kabhi Dil Ko Kabhi Shamma Ko Jala Kar Roye
Teri Yaad Ko Dil Se Laga Kar Roye,

Raat Ki God Mein Jab So Gayi Duniya Sari
Chand Ko Teri Tasveer Banaker Roye.

Na Jine ki Khushi Na Marne ka Gum

Na Jine ki Khushi Na Marne ka Gum
Unse Milne ki Dua Bhi Nahi Karte Hum,

Jite Hai isliye ke sayad wo Ek Din Ayenge
Marte Isliye Nahi ki wo Akele Reh Jayenge.

Chehre Ki Haseen Muskurahat Choom Lene Do

Chehre Ki Haseen Muskurahat Choom Lene Do
Labon Ko Labon Ki Narmahat Choom Lene Do,

Tum De Do Ijazat Mere Dil Ko Ek Gustakhi Ki
In Surkh Gaalon Ki Sharmahat Choom Lene Do,

Ban Kar Zindagi Tum Aa Jao Meri Baahon Mein
Saason Ko Saason Ki Hararat Choom Lene Do,

De Do Tumhare Saare Ranz-O-Gum Mujh Ko
Saari Pareshani, Har Shikayat Choom Lene Do,

Tadapti Rahi Meri Mohabbat Teri Aarzoo Mein
Bas Aaj Is Dil Ko Apni Chahat Choom Lene Do.

Wo kehti hai, kia ab bhi kisi k liye laal,hari chooriyan khareedtay ho?

Wo kehti hai, kia ab bhi kisi k liye laal,hari chooriyan khareedtay ho?
Main kehta hon, ab kisi ki kalaai pe ye rang acha nahi lagta,

Wo kehti hai k kia ab bhi kisi k anchal ko aakash likhtay ho?
Main kehta hon ab kisi kay aanchal main itni wosaat kahan hai,

Wo kehti hai k kia mere baad kisi larki se muhabbat howi hai tumhai?
Main kehta hon, mohabbat sirf "larki" per mushtamil nahi hoti,

Wo kehti hai k janan! lehjay main bohat udaasi hai
Main kehta hon k titliyon ne bhi mere dukh ko mehsoos kiya hai,

Wo kehti hai k kia ab bhi mujhay bewafa k naam say yaad kartay ho?
Main kehta hon k mere nisaab main yeh lafz shamil hi nahi,

Wo kehti hai k kabhi mere zikar per ro bhi laite ho ge?
Main kehta hon k meri ankhon ko har waqt ki phuwar achi lagti hai,

Wo kehti hai k tumhari baaton main itni gehrai q hai?
Main kehta hon k teri judai k baad mujh ko yeh eezaaz mila hay.

Sad Urdu Poetry, Urdu Poetry, Urdu Sad Poetry, Urdu Sms,

Mein ek he gunah bar-bar kyon karti hoon
Har dua mein use he yaad kyon karti hoon,

Ae khuda jab woh bana he nahi mere liye
Tu Mein use he itna pyar kyon karti hoon.

Bhool chuka hu apni dastaan zara phir se kehna, best Urdu Ghazal, Sad Urdu Poetry, Urdu New Poetry, Urdu Poetry, Urdu Sad Sms, Heart Touching Poetry,

Bhool chuka hu apni dastaan zara phir se kehna
Ayi kis tarah gulshan me khizan zara phir se kehna,

Qadam kabhi is tarah dagmagaye to na the
Simat kyu rha hai jahan zara phir se kehna,

Dil jo dhadakta tha meri yaad ke saayo tale
Hua kaise jazbo se anjaan zara phir se kehna,

Yu to har sham ko pegham-e-subah diya tune
Tarikh sa kyo lagta hai samaan zara phir se kehna,

Taqdeer ki laghzish thi ke nafas parasti ka janoon
Ajnabi sa tha andaz-e-bayaan zara phir se kehna,

Tere labo pe machalti huyi khamosh si junmbish
Kyo na kahu lafzo ka ziyan zara phir se kehna,

Muskrahato me jhalakte huye ashq kya maani
Koi to hoga is me raaz pinhaan zara phir se kehna,

Zindagi ki veeran raaho me aayegi bahar
Kya tera bhi hai ye emaan zara phir se kehna,

Armano ki chita jalane se kiya haasil Alamgir
Hua hai ab ye raaz nihaan zara phir se kehna.

Tu shairi k har hunar se waqif hay, Urdu Images Poetry, Sad Urdu Pictures Poetry, Heart touching Urdu Poetry,

Tu shairi k har hunar se waqif hay

Main harf harf zakham tu tehreer kar mujhay

Azeem Hai Yeh Qurbat Ki Doooriyaan

Azeem Hai Yeh Qurbat Ki Doooriyaan
Sath Reh Ker Bhi Usko Na Pana Kesa Lagta Hai,

Kismat Main Nahin Phir Bhi Us Ko Chate Hai
Yun Samjh Ker Kanto Per Chalna Kesa Lagta Hai,

Ab To Mehfil Main Bhi Humare Liye Tanhaye Hai
Ghum Chupa Ker Mehfil Ko Sajana Kesa Lagta Hai,

Samjhne Per Bhi Samjhata Nahin Hai Dil
Uski Yaad Main Raato Ko Jaagna Kesa Lagta Hai,

Us Ki Berukhi Ne Itne Diye Hai Ghum
Zakham Chupa Ker Bhi Muskarana Kesa Lagta Hai,

Isse Kho Ker Mere Pass Rha Kuch Bhi Nahin
Phir Bhi Khudh Ko Ameer Batana Kesa Lagta Hai,

Khudh Ko Anmol Samjhne Ka Tha Bara Ghamand
Phir Bhi Bemool Bik Jana Kesa Lagta Hai,

Kahayei Hai Dhoke Mohabaat Main Itne Ke
Phir Bhi Us Ko Cahana Kesa Lagta Hai,

Maloom Hai Memon Teri Manzil Nahin Hai Koi
Phir Bhi Safer Kerte Rhena Kesa Lagta Hai,

Anmol To Aah Ker Bhi Ja Chuke Hai Kab Ke
Phir Bhi Us Ka Intizar Kerna Kesa Lagta Hai.

Tu Ne Jo Chonk Kar Her Simth Nigah Ki Hogi

Tu Ne Jo Chonk Kar Her Simth Nigah Ki Hogi
Mere Hi Dard-e-Mohabbat Ne Sada Di Hogi,

Ye Jo Moti Baraste Hey, Teri Yaad Mein Aksser
Badloon Ne Meri Aankhon Ko Dua Di Hogi,

Jhilmillati Hooye Ek Baat Jo Sochi Mene
MeMoN Ne Jaake Ussay Zaroor Bata Di Hogi,

Ziker Aaya Jo Kabhi Mera Uss Ki Mehfil Mein
Khefiyet Mittane Ko Uss Ne Baat Ghhuma Di Hogi,

Wo Rah Se Guzrey Bhi Plutt Ker Bhi Na Dekhe
Aakhiri Ummed Mareez-e-Ishq ki Bujha Di Hogi,

Dill Saada Tu Barra Khush Fehum Hey Lekin MeMoN
Uss Ne Soorat Bhi Teri Kab Ki Bhulla Di Hogi,

Naam Koi Bhi Na Le Meri ZINDAGI ka Yahaan
Shehar Mein Uss ne, Yeh MaNaDi karwa Di Hogi.

Apney Uljhey Huwey Din Raat Bhi Suljha Na Sakey

Apney Uljhey Huwey Din Raat Bhi Suljha Na Sakey
Itney Be-faiz Hain Khud Apney Hi Kaam Aa Na Sakey,

Saaya-e-Zeest Ko Dhaltey Huwey Daikha Lekin
Taptey Sehra Pay Koi Naqsh-e-Khushi Paa Na Sakey,

Dil Bhi Machla Tha Nigahein Bhi Palat Jaati Theen
Unn Ki Dehleez Pay Lekin Ye Qadam Jaa Na Sakey,

Dil Ki Taskheer Hi Darasal Fatah Mandi Hai
Unn Ko Paa Kar Bhi Magar Hum Unhein Apna Na Sakey,

Daastan Kehney Ki Kuch Waqt Ne Mohlat Hi Na Di
Lab Kusha Ho Na Sakey Dil Unhein Dilkhla Na Sakey,

Khilti Kaliyon Ke Tabasum Ki Haqeeqat Kya Hai
Bikhrey Phoolon Say Jo Poocha To Woh Samjha Na Sakey.

Chaman Ka Haal Tu Yeh Hai K Khaak Urti Hai

Chaman Ka Haal Tu Yeh Hai K Khaak Urti Hai
Kidhar Se Hoke Baharoon Ke Karwan Guzray,

Diyar-e-YaarSara Safar Anokha Tha
Kadam Kadam Pe Naya Deyke Imtihan Guzray,

Saba Bhi Aai Tu Phooloon Ke Mooh Jholas K Gai
Yahan Se Aber Bhi Barsa K Bijliyaan Guzray,

Jo Chup Rahein Tu Malamat Karay Zamir Humein
Khari Khari Jo Kahein �� Aap Ko Giraan Guzray,

Guzarnay Ko Tu Musibat K Din Guzar Hi Gaye
Baray Hi Gehray Mager Chor Kar Nishaan Guzray,

Sahi Gayin Na Tagaful Ki Chand Nazrein Bhi
Hain Sharamsar K Is Dil Main Kia Gumaan Guzray,

Kabhi Tu War Raqeeboon K Day Gaye Hain Maza
Kabhi Tu Piyaar Azizoon K Bhi Giraan Guzray,

Aye Dil Sambhal K Kisi Ko Hisab Dayna Hai
Ke Zindagani Ke Lamhay Kahan Kahan Guzray.