Subaq Raftaar Lamhon Ki Hadain Tarteeb Deta Hoon

Subaq Raftaar Lamhon Ki Hadain Tarteeb Deta Hoon
Sehar Ki Saans Ginta Hoon Shabain Tarteeb Deta hoon

Me aab e Zar Se Likhta hoon Ussi Ka Naam Shairon Mein
Sunehre Lafz Bunta hoon Unhain Tarteeb Deta hon

Usay Sochoon to Pehlu Se Sirrak Jata hai Dil Mera
Main Dil Pe Hath Rakh Kr Dharknein Tarteeb Deta hon

Mere Logon Ki Niyyat Mein Yazeedi Wasf hy Mohsin
Wohi Mujhko Mita'te hain Jinhain Tarteeb Deta hoon.

KAHA THA NA KE YUN SOTE

KAHA THA NA KE YUN SOTE
HOYE MAT CHOR KE JANA
MUJHE BESHAK JAGA DENA BATA DENA

TUMHE RASTA BADALNA HAI
MERI HAD SE NIKALNA HAI

TUMHE KIS BAAT KA DAR THA
MAIN TUMHE JANE NAHI DETA
KAHIN PE QAID KER LETA

ARE PAGAL MUHABBAT KI TABIYAT
ME ZABARDASTI NAHI HOTI

JISE RASTA BADAL NA HO
OSE RASTA BADALNE SE
JISE HAD SE NKALNA HO
OSE HAD SE NIKALNE SE

NA KOI ROOK PAYA HAI
NA KOI ROOK PAYE GA

TU TUMHE KIS BAAT KA DAR THA

MUJHE BESHAK JAGA DETE
MAIN TUM KO DEKH HI LETA
TUMHE KOI DUA DETA
KAM-AZ-KAM YUN TU NA HOTA

MERE SAATHI YE HAQIQAT HAI

TUMHARE BAAD KHONE K
LIYE KUCH BHI NAHI BAQI
MAGAR MAIN KHONE SE DARTA HUN

MAIN AB SONE SE DARTA HUN
KAHA THA NA YUN CHOR KE NA JANA.

Bohat Umeed rakhna aur Phir Be-aas hona bhi

Bohat Umeed rakhna aur Phir Be-aas hona bhi
Bashar ko Maar deta hai bohat Hassaas hona bhi

Suno ik Kaan se aur dousre se Phaink do baahir
Bohat Takleef-de hai Sahib-e-Ehsaas hona bhi

Yunhi to Abr-e-Rehmat ki Talab karta nahi koi
Zaruri hai muqaddar main Zara si Pyaas hona bhi

Bohat se Qalb Ruk jate hain Khushiyon ki Khabar paa kr
Humain tou Khoob Jachta hai Ghamon ka Raas hona bhi.

Har shaks se ulfat ka iqrar nai hota

Har shaks se ulfat ka iqrar nai hota
Har chehre sa dil ko kabhi piyar nai hota,

Jo rooh ko cho jaye jo dil main utar jaye
Us ishq ka lafzoon main izhar nai hota,

Jab piyar juda ho to ye husn bhi veran ha
Mehboob bina koi singhar nai hota,

Jo ishq main mar jaye sumjho woh nagena ha
Bun jaye woh pathar bhi bekar nai hota,

Kia samjho ga tum humari benam "Mohabat" ko
Ye ishq ka sauda ha "Sar-e-bazar" nai hota.

Iss baar kuch aisa mein chahta hoon

Iss baar kuch aisa mein chahta hoon
Tum ko apna banaana chahta hoon,

Bhula kar apne sab gham
Tumhe dilse apnana chahta hoon,

Tumhe tumhari ijazaat se
Apne dil mein basana chahta hoon,

Apne naam k saath joar kar tumhara naam
Duniya ko sar-e-aam dikhana chahta hoon,

Kab ho Qubooliyat ki ghari na jaane
Tumhe har dua mein mangna chahta hoon,

Ho jaao tum meri aur main tumhara
Harr pal bas yehi ehsaas chahta hoon,

Tum se hi ki bass mohabbat main ne
Apni sari zindagi tumhare sang chahta hoon,

Karta hoon aaj main ye iqraar
Main bass tumhe bass tumhe hi chahta hoon,

Haq ke saath kahoon tumhe main apna
Tumse bass aaj main yehi raza chahta hoon.

Bahut Khoobsoorat Ho Tum

Bahut Khoobsoorat Ho Tum
Bahut Khoobsoorat Ho Tum
Agar Main Jo Kehdoon Mohobbat Hai Tumse
Tho Mujhko Khudaara Galat Mat Samajhna
Ke Meri Zaroorat Ho Tum
Bahut Koobsoorat Ho Tum,

Ye Chehra Tumhaara Ke Din Hai Sunehra
Aur Uspar Ye Kaali Ghataaon Ka Pehra
Gulaabon Sa Naazuk Mehekta Badan Hai
Ye Lab Hain Tumhaare Ke Khilta Chaman Hai,

Bikheron Na Zulfen, Tho Sharmaayen Baadal
Farishtey Bhi Dekhen Tho Hojaayen Paagal
Wo Pakeeza Moorath Ho Tum
Bahut Khoobsoorat Ho Tum,

Hain Phoolon Ki Daali Ye Baahen Tumhaari
Hai Khaamosh Jaadu Nigaahen Tumhaari
Jo kaanten Hon Sab Apni Daaman Mein Bhar Loon
Bichaawoon Main Kaliyon Se Raahen Tumhaari,

Nazar Se Zamaane Ki Khudko Bachaana
Kisi Aur Se Dekho Dil Na Lagaana
Ke Meri Amaanath Ho Tum
Bahut Khoobsurat Ho Tum,

Jo Banke Kali Muskuraati Hai Aksar
Shab-e-Hijr Mein Wo Rulaati Hai Aksar
Jo Lamhon Hi Lamhon Mein Duniya Badalde
Jo Shaayar Ko Milti Hai Pehloo Ghazal Se,

Chupaana Jo Paawoon Chupaa Hi Na Paawoon
Bhulaana Jo Paawoon Bhulaa Hi Na Paawoon
Wo Pehli Mohabbat Ho Tum
Bahut Khoobsurat Ho Tum,

Agar Main Jo Kehdoon Mohobbat Hai Tumse
Tho Mujhko Khudaara Galat Mat Samajhna
Ke Meri Zaroorat Ho Tum
Bahut Koobsoorat Ho Tum.

Bichrey to dard-e-hijr ka chaara na kar saky

Bichrey to dard-e-hijr ka chaara na kar saky
Yon tark-e-Aashqi B gavara na kar saky,

Warna wo intizar me sadiyan guzarti
Hum hi chaly to usko ishara na kr saky,

Aatish parast log thay phir B na janey kiun
Apney hi ghar me aag gavara na kr saky,

Usko aziz ronaken thi shehar ki agar
Tanhaiyon se hum B kinara na kr saky,

Kuch is tarha se usne bikheira hamen Mohsin
Hum maan kisi per B dobara na kr saky.

Ager Mohabbat Yehi Hai Jana

Ager Mohabbat Yehi Hai Jana
To Maaf Karna Mujhe Nahi Hai
Gunah Karne Ka Soch Lena
Haseen Pariyan Dabooch Lena
Phir Unki Aankhein Hi Noch Lena
Ager Mohabbat Yehi Hai Jana
To Maaf Karna Mujhe Nahi Hai
Kisi Ko Lafzon Ka Jaal Dena
Kisi Ko Jazbon Ki Dhaal Dena
Phir Uski Izzat Uchal Dena
Ager Mohabbat Yehi Hai Jana
To Maaf Karna Mujhe Nahi Hai
Andheir Nagri Mein Chalte Jana
Haseen Kaliyan Masalte Jana
Aur Apni Fitrat Pe Muskurana
Ager Mohabbat Yehi Hai Jana
To Maaf Karna Mujhe Nahi Hai
Saja Raha Hai Har Ek Diwaana
Khayalo-O-Husn-O-Jamaal Jana
Khayal Kya Hain Hawis Ka Tana
Ager Mohabbat Yehi Hai Jana
To Maaf Karna Mujhe Nahi Hai

Chehray parhta, aankhein likhta rehta hoon,

Chehray parhta, aankhein likhta rehta hoon
Mein bhi kaisi baatein likhta rehta hoon,

Saare jism darakhtoon jaise lagte hain
Aur baanhoon ko shaakhein likhta rehta hoon,

Tujh ko khat likhne ke taivar badal gaye
Aari tirchee satrain likhta rehta hoon

Teri zulf ke saaye dheyaan mein rehte hain
Mein subhoon ko shaamain likhta rehta hoon,

Apne pyar ki phool mehakti raahoon mein
Logoon ko deevaraain likhta rehta hoon,

Tujh se mil kar saare dukh dhuraoonga
Hijr ki saari baatein likhta rehta hoon,

Sookhe phool, kitaabein, Zakhm judaee ke
Teri sab sogaatein likhta rehta hoon,

Us ki bheegi palkain hansti rehti hain
Mohsin jab tak ghazlain likhta rehta hoon.

Be-Naam Zindagi, Zindagi poetry, Sad Poetry, SAdest Poetry, Urdu Heart Touching Poetry,

Mat cheen apna naam mere lab se estara 

Es be-naam zindagi main tera naam he tu hay.

Fursat k Lamhaat, Urdu Heart Touching Poetry, Sadest Lover Poetry, Images Poetry,

Unhein hum yaad aatay hay fursat k lamhaat main

par ye bhi such hay unhein fursat nahi milti.

Teri Lajawab Chahat Ko,

Teri Lajawab Chahat Ko Hum Bhulain Kesy?
Tum Ko Bhool Kr Khud Ko Chain Dilaain Kesy?

Na Jaany Kon C Kashish Tere Pas Le Aati Hy
Tere Paas Aa Kr Tujh Me Samaain Kesy?

Hum Ne Dil Se Chaha Hy Tujhe Magar
Teri Chahat K Qabil Khud Ko Banaaain Kesy?

Q Poochhty Ho Hum Se Aanso’on Ki Shiddat
Hum En Me Tera Akss Tujhe Dikhaain Kesy?

Hum Tum Se Bohat Mohabbat Krty Hain
Magar TUMHAIN YE EHSAS Dilaain Kesy.